Per le nostre brìcole desmentegàe
Vado navigando, vado bordesando..
me go roto de colpo co gran francasso.
L’anima de legno se ga fato in tochi, dopo tanta acqua,tanto seco, e piova e caligo e tanto sol.
El giusto canal mi ve mostravo, dove che la barca no tocava , tegnivo indrìo l’insidia del fondal, ma morta mi, l’aqua xe scura, l’aqua xe insicura.
Nissun se ga curà de mi, co’ gero alboro, forte e viva m’avè ficà nel fango e m’avè fato marsir sensa riguardo…
e ‘desso resto, come corpo morto, a contar ‘na storia che nissun più ‘ scolta.
Maria Teresa Morry
11 dicembre 2015
Foto: Francesco Di Pumpo
Gruppo 25 aprile 
Bellissimi pensieri, bllissimee parole, bello anche l’abbinamneto con la fotografia. Grazie, anche da parte di tutte le bricole della Laguna.